【又想同大家講講政策】今次係有關新左膠聯盟進入立法會後全民退保嘅最新發展：
好多人擔心小麗老味同Heidi Chu，再加埋佢地啲盟友邵膠樽、姚松炎同埋羅冠聰嘅「新左膠聯盟」，係會立刻推動三方供款嘅全民退保方案，響呢度可以同大家講一個好消息同一個壞消息：
首先講壞消息，就係其實支持三方供款方案嘅，並唔單止幾個新左膠，而係整體飯民議員嘅共識：無論係公民黨、民主黨、工黨、街工、人民力量社民連甚至梁繼昌同教協，都係支持三方供款，只有莫乃光取態未明。
當中係咪全部都對全民退保政策都係無知呢？未必係，但係「學者方案」當中，學者兩個字響香港實在係有太大令人放棄思考嘅誘惑力，再加上左膠網絡實在擺在太多心血響呢舊嘢上面，所以必然死抱不放，所以就連當年周永新、選舉期間嘅人民力量、最後時刻嘅劉小麗，只要一旦嘗試擺脫呢個供款方案，輕則被冷待杯葛、重則被圍攻聲討，將你抹黑成「不支持全民退保份子」，響呢種左膠網絡黑勢力之下，只要你一日仲想痴埋飯民左膠度吸光環，跪低係必然選擇。
不過好消息呢，就係反對全民退保，經已係建制派同特區政府嘅共識，因為全民退保無論計唔計倒條數都好，響政策上黎講都係一個太大嘅Commitment，無人夠膽揹起呢隻鑊；除此之外對於修改強積金用途，政府同建制派取態亦係非常保守，剩係要搞掂對沖問、管理費過高、核心基金、全自由等問題經已煩到佢地嘔，更加唔會考慮一個會削減強積金經營規模嘅建議。反而基建全部都係「一次性消費」，同埋又可以砌詞「幫助香港發展」，所以亂駛都無問題。
又基於立法會議員只能夠提出無約束力嘅私人草案黎督促政府實施全民退保，實質關係香港財政支出嘅措施只能夠由政府主動提出，加埋政府仍然牢牢控制大議會大多數，所以實施全民退保方案機會係近乎零。
但係我之所以講近乎零而唔係等如零，係因為兩個辦法可以令三方供款死灰復燃。第一個就係靠議會抗爭迫使政府屈服：當年就係因為黃毓民擲蕉，令到曾蔭權將生果金加到一千蚊，呢個就係最好嘅例子：新左膠聯盟加埋人去經已有七個人，會唔會激到透過全面拉布迫使政府屈服接受全民退保三方供款方案呢？當然今時唔同往日，689亦唔係尚會體察民情嘅曾蔭權，加埋之前我講過，今屆議會政府同你wer爛塊面係完全唔會有心理負擔，不過機會雖然細，大家仍然要密切留意。
至於第二個就係響增加生果金方案入面鑽空子。其實好多人都唔撚明，全民退保不過係一個名，你唔鍾意佢，係可以用另外一種方式表達出黎。當然因為成班蛋頭學者ON99、而成班所謂「好有議政經驗」嘅飯民議員又也也嗚，所以先會執迷響咩全民老年金、全民退保呢啲其實自己都唔知搞乜嘅字眼入面。實際上香港已有全民退保，就係生果金，亦有需要審查資產嘅退休保障，就係長生津，我地只要透過調整呢度嘅金額，就可以達成全民退保嘅目標。
問題黎勒，如果「新左膠聯盟」以至飯民，真係聰明到識得借增加生果金呢樣嘢去逼迫政府接受變相實施全民退保概念，好簡單，我要求增加生果金去到3500，又或者最低限度增加長生津去到3500，生果金去到2500，咁政府就會蒙受好大壓力，而佢地唯一反擊嘅皇牌一定係「咁會大幅增加政府開支，錢從何來？」到時一旦呢班友就算「三方供款」作為解答，咁就大撚鑊。
響我角度，其實我已多次表明立場，我係支持全民退保，但大前提係唔撚可以有三方供款；雖然有人已提出低收入免供呢類減輕剝削基層嘅建議，但跟住好自然最被剝削嘅，就輪到我地呢啲比上不足、比下有餘嘅中下階層。所以如果有三方供款存在，我就寧願一拍兩散，到你放棄呢種諗法先好再討論全民退保嘅可能性；但可惜左膠唔係咁諗，佢地係只要有退保屎都食，而且食屎呢樣嘢某程角度黎講甚至重要過全民退保嘅價值，因為符合哂佢地心目中「工人、資本家、政府共同承擔社會責任」嘅左膠核心價值。
所以如果小麗老味等人響日後真係用三方供款黎搞退保遊行，我地一定要搵人搞番個反遊行黎反佢老味。
Search